, Edgar ZEIDLER

Drittel-Demokràtie

Wenn an zwei Wahlgängen von Regional- und Département-Wahlen zwei Drittel der Wähler mit ihrer Wahlenthaltung ihre Gleichgültigkeit kundtun, muss man sich über den Zustand der Demokratie in Frankreich Gedanken machen

Àm zweite Wàhlgàng vo de Regionàl – un Départementwàhle sìn, wie àm erschte, küm e Drìttel vo de igschrìwene Wähler ge wähle. Ìn àndere Worte, ìn zwei Drìttel vo de Frànzose sìn dia Regionàlwàhle Wurscht! Ìm Große-Oschte han pràktisch 70% sich der Stìmm enthàlte. Nìt numme der Macron hät e Bàtsch bekomme. Nei, d frànzeesch Demokràtie hät àm 20. un 27.6. vo 31 Millione Nìtwähler eini gebàche bekomme! Noch schlìmmer: d meischti vo de 16 Millione, wo ìhri Stìmm àbga han, sìn ìwer 65 un zähle zu de „bessere Litt.“ Dàs Drìttel ìsch àlso kè rìchtig Àbbìld vom Frànkrich. 

D Jugend un s gwehnlige Volk ìsch d’heim geblìwe, wàs fer d verschìdene Regionàl- un Départementràt e bìtteri Pìll ìsch. Denn d Regione un die Département han d Lycée un d Collège mìt Computer üsstàffiert, d Schüelkàntine fer d ärmschti bezàhlt, d Schüele wìdder ìn Stànd gsetzt un nèii gebauit, oder ìn der Jugend der Züegàng zu der Kültür un zum Sport erlichtert. Sone Gfühl wie Undànkbàrkeit màcht si bi viele Regionàl- oder Lokàlpolitiker breit…

Àss, zu àllem Ìwerfluss, tauisigi vo Wàhlpropaganda-Zettel nìt der Waj ìn d Briefkaschte gfunde han, àss wajjenem Covidi kè Wàhlversàmmlunge stàttgfunde han, àss es Dàtum vo dana Wàhle mehrmols verschowe worre ìsch un dia zwei „lokàli“ Wàhle glichzittig stàttgfunde han, ìsch nàtirlig kè gìnschtigi Vorüssetzung gsì. Einewaj: ànne 2015 ìsch d Wàhlbeteiligung bi de erschte Regionàlwàhle nooch der Reform, wo ìn de Frànzose d Großregione undemokràtisch uffgezwunge hät (merci F. Hollande un M. Valls) noch knàpp ìwer 50 % glaje.

Fer sich e Bìld ze màche, wàs denn e sone lacherligi Wàhlbeteiligung fer d Gwählti beditte düet, wott i s Beispiel vo minere Gmein, Nìder-Burnhàuipt, namme. 1467 igschrìweni Wähler. 148 Stìmme fer der nèi un àlt Presidant vom Große-Oschte. Dàs sìn 10%! Wie ìn der gànz Großregion! Doch offiziell ìsch der J. Rottner mìt 40,30% vo de Stìmme gwählt worre. Dàs màcht e bessere Idruck!

Waltwitt wàckle die demokràtische Stààte. Ìn Frànkrich herrscht e Presidant pràktisch ohne lokàli un regionàli Gwählti üss sinere Pàrtèi, d LREM. Ìn Frànkrich hät sich ìm Jüni 2021 die Demokràtie uff liislige Sohle veràbschìde, aui wenn der RN, (ex-FN) üssgebramst worre ìsch. Àlli sahn’s. Viel wàrne mìt gstrecktem Zeigefìnger! Vergawens!  Bi jeder Wàhl mìt hoher Stìmmenthàltung bräckelt d Legitimität vo de Gwählte ìmmer meh àb. Der Waj ìsch frèi fer „d Stroßepolitik“, wo ohne Wàhlzettel un oft mìt Gwàlt d eigeni Intrasse vertratte ware.

Villicht ìsch e Mol d klein Schwitz, wo wie n e Schìldkrott mìttle ìn Europa ìhre eigene Waj geht un règelmaßig s Volk zu Wort komme losst, boll d einzigscht àstandig funktionierendi Demokràtie. 

Drum rief i : „Hop Schwitz“, wie geschtert z Owe vorem Télé, wo d Nati d Waltmeischter verdient un mìt Bravour üssgschìfft hät! S Schlàjwort: „Unis derrière les Bleus“ schmeckt schon noh Naphtaline!

 

Glossar
 
igschrìwene Wähler, eingeschriebene Wähler
eini gebàche bekomme, eine Ohrfeige gekriegt
Regionàl- un Départementràt, Regional -und Départementräte
kè gìnschtigi Vorüssetzung, keine günstige Voraussetzung
einewaj, trotzdem
 
üssgebramst worre ìsch, ausgebremst worden ist
üssgschìfft, ausgebootet
Schlàjwort, Schlagwort
Unis derrière les Bleus, vereint hinter den Blauen
 
EZ

29.06.2021