, Edgar Zeidler

Hìtzewalle

So jetz hät der Coronakolderi mìt fàscht 21.000 Todesopfer d groß Hìtzewalle ìwertroffe. La grande canicule de 2003 mìt offiziell 19490 Tote ìsch gschlàge. (70.000 ìn Europa) D EHPAD mìt meh àss 8000 Opfer sìn nìm witt vo de Spìtäler mìt ìwer 12.000. Frog: ware àll dia, wo d heime starwe, gezählt un stàtischtisch erfàsst? Ich hà bis jetz no kè Stàtistik gsah, àwer ich seh aui nìm so güet wie friehjer… 

E àndri Zàhl fahlt: wie viel Frànzose sìn eigentlig infiziert? S Pasteur-Ìnschtitüt „schätzt“ 5,7%. Wie komme dia auf dia Zàhl? Dàs màcht uns stutzig, bsonders wenn mer weiss – àwer wàs weiss mer scho – àss 70 bis 80 % vo der Bevölkerung sottig immünisiert sì, wenn mer nohnem déconfinement nìt wìll, àss dia Seich wìdder vo vorne àfangt un üs em déconfinement e déconfiture wurd.

D Zentràlregierung wìll àm 11. Mai ìn de Maire un schins de collectivités territoriales meh Màcht ga. Dàs heisst aui meh Veràntwortung. Ìsch dàs e erschter Schrìtt zum Federàlimus? Seelig wer dàs glauibt! Nei, dia jung Jàkobiner-Generàtion ìsch einfàch pràgmàtisch un seht i, àss se vo Pàris niemols àlles känne leite un gschnall der Ìwerblìck verliere date.

Ìn’me kleine Ort, irgendwo ìm Frànkrich, han Litt der Maire gfrogt, äb er nìt kännt fer kurzi Zitt d mercerie ufmàche, àss se Lastig un Stoff kauife känne, fer salwer Màske ze konfektioniere. Stàtt do derfìr e arrêté municipal ze namme, hät der Herr Maire der Prefakt àgrüefe. Da hät nàtirlig kè Entscheidung getroffe un d Place Beauvau àgrüefe. D Àntwort ìsch prompt ìn sin Telefon gschosse: uf gàr kè Fàll!