, Edgar Zeidler

Zruck zur Normàlität

Wàs bedittet zruck zur Normàlität? Dànk em Jürg Burkhardt un sine Reiseberìcht 1, ìsch dia Frog noch relevànter worre…

Mìr gehn àlli Schwitzer Sàckmasser ìn de Hosesäck uf, wenn i da Sàtz heer: „Hoffentlig wurd àlles wìdder normàl wie vorhar!“ Ward àlso ìn de Auige vo dane, wo sich dàs wìnsche, dàs „vorhar“ normàl gsì? 

Normàl, d Autobàhne, wo mìt andlose Blachlàwine verstopft sìn, un wo vor lütter Üsspuffgàse dampfe? 

Normàl, d Bìlligflieger, wo Unmàsse Tourìschte ìm verkràtzte, mìt Kerosin verseuchte Hìmmel spàziere fliege? 

Normàl, dia Kritzschìff-Monschter, wo àn eim Tàg 20.000 Pàssagier uf Barcelona loslosse, àss d Iheimische da Màssetourismus àls Invàsion empfìnde? 

Normàl, da rìesegroß Pàrkplàtz ìn der Neeche vom Grandhotel ìn Lake Louise, ìn de Rocky Mountains ìm Kanada, wo Tourìschtemàsse die trauimhàft scheen Üssìcht uf der See ìn ìhre Selfie ifànge, gschnall ufs äffentlige WC renne un sich wìdder üs em Stauib màche, ohne d Zitt ze fìnde, fer ìm Grandhotel e wàrmer Tee àwe ze schìtte? 

Normàl, dia Kritzschìffgigànte, wo vor Madeira 3-4 Stund hàlte, ìhri Tourìschte-Làdung ìn d Àltstàdt warfe, wo vor de Restaurant s Personàl vergawens mìt der Menükàrt wìnkt, wil küm e Kritzschìffnàrr dia Beize dur d Manschemàsse erblìckt, sowìso kè Zitt hät, un züedam Vollpension àn Bord hät?

Normàl, s Verkehrschaos ìn Lüzarn, wenn d Wànderchineser ìn ìhre vollglàdene Autobüs àm Schwàneplàtz nawe n em See, zum Gübelin un Co jaschte, fer koschtbàri Schwitzer Ühre un Schmuck ze hàmschtre un boll druf uf Hinterlacken àbdàmpfe oder direkt uf Pàris?

Wìll d Corona gschìttelt Manschheit tàtsachlig zu sonere Normàlität wìdder zruck? Sìn dia, wo da Wunsch von‘me retour à la normale 2 üsdrucke, sich eigentlig bewusst, wie mìr unsere Plànet schon üsgedruckt han, so üsgedruckt, àss er boll ìn ere üsgedärrte Wàssermelone glicht?

Der „déconfiniert“ Wànderer seht vo witt, avec une mine déconfite 3, àss der grien Vogesewàld ìweràl mìt brüne Flacke gspìckt ìsch…

 

1 Jürg Burkhardt, West Kanada-Alaska, Band 1 Vancouver Island, Kreuzfahrt nach Alaska und Inside Alaska, Band 2, Yukon Territories, Vancouver, Rocky Mountains, British Columbia, Schweiz, 2018.
2 ein Zurück in die Normalität
3 mit betretener Miene
 
 
Glossar
 
Neeche, Nähe
vergawens, vergeblich
d Corona gschìttelt Manschheit, die Corona geschüttelte Menschheit
üsdrucke, ausdrücken 
üsgedruckt, ausgepresst
üsgedärrt, ausgedörrt
gliche, gleichen
déconfiniert, Neologismus auf „déconfiné“, Wortschöpfung der französischen Regierung, Gegenteil von „confiné“, eingesperrt
 

EZ 5.6.20