, Edgar Zeidler

Generàtionekriej?

Was der bekannte Soziologe und Philosoph, Edgar Morin (99) von Krisen hält, ohne dabei eine neue im Visier zu haben, die sich in Frankreich andeutet, und die einige Medien bereits als ’Generationenkrieg’ bezeichnen. 

Der Edgar Morin (99), Soziolog un Philosoph, meint, àss ìn der Globàlisierung « s Rauimschìff Arde » durich drèi Motore àgetrìwe wurd : Wìsseschàft + Technik + Wìrtschàft. Doch e Pilot süecht mer vergawens! Dàs dat uns ìn e gspàlteni Züekunft fiehre. Uff der eint Sitt e Zitt voller Kàtàschtrophe (Umwalt, Klima, Wìrtschàftskris, sanitäri Kris), uff der ànder e Zitt geprägt vom Transhümanismus, wo der « verbessert Mansch » hervorbrìnge wìll, der Tod ìmmer meh nüsschiebt un ìn Roboter àlli miehjsàmi Àrwete àbgìtt. Doch aui dia Perschpektiv dat ìn e Sàckgàss fiehre, wenn dia technisch Entwìcklung nìt glichtzittig mìt eme gwàltige moralische Fortschrìtt verbunde wurd. Sonscht dat üssem Mansch e Àrt Roboterwase ware, vo Algorithme bstìmmt… 

Zu der Pàndemie sajt er, àss mìr (wìdder nèi) lehre mien, mìt der Unsìcherheit ze lawe. Stàbilität sèig e Illüsion. Krise lauife durich d Gschìcht vo de Mansche wie s Blüet durich d Odere. Un jedesmol dien se gejjesätzligi Kräfte frèisetze: uff der eint Sitt Kreàtivität, uff der ànder Àngscht un mentàler Ruckschrìtt. 

Ìn sine Auige hät d Kris vo der Demokràtie schon vor 20 Johr àgfànge, hauiptsachlig wil àlli Gsellschàfte ìm unbegranzte Profit nohsäckle un do derbii ìhri Lawesunterlàj,

d Umwalt, zersteere. Un wenn àlli Elemanter vom Totàlitàrismus (Drohne, Fràtzerkennung, Videoìwerwàchung, Smartphone, Kreditkàrte, Internet mìt sine Süechmotore voller Cookies) sich emol d Hànd gann, dernoh han mìr e totàlitäri Gsellschàft, wo’s kè Luft zum Schnüfe meh gìtt.

Eins hät er àwer (noch) nìt erwähnt: der Generàtionekrieg, wo wajje der Pàndemie jetz üssbrache kännt. D Làj spìtzt sich ìm Frànkrich züe, wil’s àn Ìmpfstoff màngelt un d Studante seelisch un finànziell d Zung erüsstrecke. Üssgrachent ìn dare àgspànnt Sitüàtion han Pasteur¹ un Sanofi² s Hàndtüech gworfe. Üssgrachent jetz heert mer Hiobsbotschàfte, wo’s heisst, àss AstraZeneca sich nìt fer d Àlti ìwer 65 eignet. Ein Lànd hät sogàr d Oxforder Ìmpf-Àltersgranz uf 55 eruntergsetzt. 

Ìsch‘s e Wunder, wenn jetz d ethisch Froj gsellt wurd, äb’s Sìnn màcht, d àktiv Bevölkerung un d Jugend fers Witerlawe vo de Àlte ze opfre? Der J-F Delfraissy, Presidant vom Wìsseschàftsrot (Conseil scientifique) hät der heiss Hardäpfel ìn d lìnk Hànd gnomme und vor em Pàrlamant erklärt: « Nous sommes véritablement face à une question quasi éthique de politique générationnelle, entre continuer à préserver la santé des plus anciens, mais peut-être au détriment de la santé des plus jeunes. »³ (L’Alsace 3.2.2021) 

Ich nìmm e àndere heisse Hardäpfel ìn d racht Hànd un froj frach: Han d Veràntwortlige wìrklig eso novli Gedànke ghà, wo se entschìde han, àss zerscht d Àlti ìn de Àltersheim drà komme? Dàs plätzlige, hümànistische Mìtgfühl mìt de Seniore ìsch m’r zitter àm Àfàng verdachtig vorkomme, ìn ere Gsellschàft, wo d EHPAD (Établissement d'hébergement pour personnes âgées dépendantes; kurz: Alters und Pflegeheim (hn)) erfunde hät, fer d Àlti mìt güetem Gwìsse (?)üssem Verkehr ze ziehje un àbzestelle, àss jeder „Nìtàlt“ witterscht ìn sine unzählige Àktivitäte kàt nohgeh. Ich glauib, àss der wohr Grund da gsì ìsch: d Àlte üss de ìwerfìllte Intensivstàtione so güet wie mäjlig dusse z’bhàlte, àss der Betrib nìt gànz làhmglajt wurd! Glichzittig nìmmt mer sa aui noch àls Versüechskìnjele, denn wer hät schon 100% Vertrauie ìn dia nèiàrtigi Ìmpfstoffe? Bi Spizer-BionTech ìsch der Àteil vo de ìwer 65-jahrige Teschtpersone 5-6 % gsì. Villicht aui e Grund, àss se so güeti Zàhle han känne pübliziere?

Eins ìsch trotzdam sìcher ìn dare unsìchere Walt: Wie’s der Yann Arthus Bertrand traffend formüliert: „D Manschheit kàt so viel ìmpfe wie se wìll, gejje der klimàtisch Wàndel gìtt’s kè Ìmpfstoff!“ (L’Alsace 26.1.2021)

¹ Pasteur: Siehe dazu: https://www.pasteur.fr

²Sanofi: https://www.sanofi.com

Wir stehen wirklich vor einer quasi ethischen Frage in Sachen Generationen-Politik: Sollen wir weiter die Gesundheit der älteren Semester schützen, aber vielleicht auf Kosten der Gesundheit der Jüngeren?

 

Glossar
 
àgetrìwe, angetrieben
Odere, Adern
gejjesätzligi Kräfte, gegensätzliche Kräfte
Lawesunterlàj, Lebensunterlage
Fràtzerkennung, Gesichtserkennung
Hardäpfel, Kartoffel
novli Gedànke, edle Gedanken
làhmglajt, lahmgelegt
Versüechskìnjele, Versuchskaninchen

 

EZ

06/02/2021