Winterfreud? D Natur drüllt sich im Chreis

Isch des grad schön duss, mit dem viile Schnee, däne paar Grad unter Null, de Sunne am blaue Himmel! Endli emool wider e Winter! So, wie sich s ghört.
Glii mueß i aber au an d Tir dänke, dussen im Wald. Wie findet de Bussard jetz non e Mus, d Buechfinkli ihri Buechnüssli, unter däm Schnee? Natürli hä mir e guet bschtreutis Vogelcheefi duss am Öpfelbaum, Meisebölle un -ringli, jo scho! Einewäg! S chömme all weniger Vögel in Garte, un sell nit numme wege de nün Chatze in de Nochberschaft,

Macht euch die Erde untertan! Genesis, Schöpfungsgschicht.
Wel Rise-Missverschtändnis isch do drus gwachse. Wie göhn mir mit de Welt um? Un bsunders mit de Tir? E Horrorfilm lauft vor mim innre Aug ab. Unse Chrieg gege d Tir. Nutze, Usnutze, Vernutze. Im e dütsche Zoo hät jetz e corona-infizierte Wärter d Gorillas aagschteckt. Kreislauf der Natur? Jo wägerli!

Markus Manfred Jung